Shake It Up (batzuetan Shake It Up! bezala ere estilizatua) Disney Channel telebista katearen jatorrizko telesaila da. 2010eko azaroaren 7an estreinatu zen Estatu Batuetan, eta 2013ko azaroaren 10an emititu zen saioaren azken atala. Telesailaren sortzailea Chris Thompson izan zen, eta Bella Thorne eta Zendaya antzezleek jokatu zuten protagonisten rola. Davis Cleveland, Roshon Fegan, Adam Irigoyen, Kenton Duty eta Caroline Sunshine aktoreek ere parte hartu zuten saioan.
2011ko martxoaren 16an telesailak bigarren denboraldia izango zuela argitaratu zen, eta Shake It Up: Break It Down izeneko diskoa kaleratu zen uztailaren 12an. 2012ko martxoaren 12an atera zen bigarren diskoa merkatura, Shake It Up: Live 2 Dance izenburupean; eta abuztuaren 17an, Shake It Up: Made In Japan izeneko 90 minutuko atal berezia ekoizten hasi ziren.
2012ko ekainaren 4an iragarri zen Shake It Up telesaileko langileak hirugarren denboraldia prestatzen zirela. Horrez gain, aurreko bi denboraldietan parte hartu zuen Kenton Duty aktore nagusiak telesailean ez zuela jarraituko adierazi zuten, baina atal batzuetan parte hartuko zuela. Hala ere, Kenton Duty ez zen hirugarren denboraldiko atal bakar batean ere azaldu. 2012ko urriaren 14an estreinatu zen hirugarren denboraldia, eta telesailaren azken denboraldia izango zela iragarri zen. Saioaren azken atala 2013ko azaroaren 10ean emititu zen.